ഇരിങ്ങാലക്കുട: ഇക്കഴിഞ്ഞ എസ്എസ്എല്സി, ഹയര് സെക്കന്ഡറി, വിഎച്ച്എസ്സി, സിബിഎസ്ഇ, ഐസിഎസ്ഇ, ഐഎസ്ഇ പരീക്ഷകളില് മുഴുവന് വിഷയങ്ങളിലും എപ്ലസ്, എവണ് നേടിയ നിയോജകമണ്ഡലത്തിലെ വിദ്യാര്ഥികളെയും നൂറുശതമാനം വിജയം നേടിയ വിദ്യാലയങ്ങളെയും എംഎല്എ എക്സലന്സി പുരസ്കാരം നല്കി ആദരിക്കുന്നതിന്റെ നിയോജകമണ്ഡലംതല ഉദ്ഘാടനം നടവരമ്പ് ഹയര് സെക്കന്ഡറി സ്കൂളില് അഡ്വ. തോമസ് ഉണ്ണിയാടന് എംഎല്എ നിര്വഹിച്ചു. ജില്ലാ പഞ്ചായത്തംഗം ജോസ് ജെ. ചിറ്റിലപ്പിള്ളി അധ്യക്ഷത വഹിച്ചു.
വെള്ളാങ്കല്ലൂര് ബ്ലോക്ക് പഞ്ചായത്ത് പ്രസിഡന്റ്് വത്സല ബാബു, വേളൂക്കര പഞ്ചായത്തംഗങ്ങളായ ശ്രീഷ്മ സലീഷ്, രേണു ക സജി, സതീഷ്കുമാര്, പ്രദീപ് മേനോന്, കെ.പി. അനില്കുമാര്, സനിജ സന്തോഷ്, എം.കെ. പ്രീതി, എം.വി. ഉഷ, കോ-ഓര്ഡിനേറ്റര്മാരായ മിനി മോഹന്ദാസ്, സേതുമാധവന് പറയംവളപ്പില് എന്നിവര് പ്രസംഗിച്ചു.
E-paper LOGIN
LOGIN
